BEHEKO SOLAIRUA
Beheko solairuan, garai batean Ciga familiaren egongela eta jolas-eremua zen aretoan, espazioa dekorazio begetala duten bi beiraterekin banatzen da. Beirate bakoitza beira bakar batez osatuta dago; baita kurban errematatuta ere, estilo modernistari jarraiki. Beirak hainbat intentsitatetako mate itxura du.
Mate-efektua bi tekniken bidez lor daiteke: era mekanikoan, hauts fin-finarekin gainazalaren urradura eraginez edo beiraren gainean azidoa aplikatuz, azidoak gainazala higa dezan. Bi tekniketan, hainbat eremu estaltzen dira mate-efekturik izan ez dezaten; horrela forma eta efektu ezberdinak sortuz. Motibo apaingarriak markatzen dituzten lerroak egiteko altzairuzko punta batekin marrazten dira beira babesten duen geruzaren gainean.